Foto Nikola BLAGOJEVIĆ
"Kad mi j' brat sinoć poslal ovo, tuliko san se nasmijala da san morala podilit i z vami. Ocean Explorer na ozbiljnoj Grajskoj ekspediciji na Drastin i Malinišće!", napisala je Kolinda
povezane vijesti
Bivša predsjednica Kolinda Grabar Kitarović podijelila naš tekst o Grobničkoj balinjeradi.
Prenosimo njezinu objavu na čakavskom dijalektu:
“Kad mi j’ brat sinoć poslal ovo, tuliko san se nasmijala da san morala podilit i z vami. Ocean Explorer na ozbiljnoj Grajskoj ekspediciji na Drastin i Malinišće!
Saka čast, moji Grobničani, kako ste rekreirali saki detalj – od broda, jakete, konopa oko pasa, pa do kape s kockicami. A ko da ste znali da san baš s tun kapun tela skočit va more, ma me j’ bilo strah da će ostat plivat na površini pa san ju ipak pustila na suhome.
A na ovu “Kolindu” san fakat ljubomorna kako dobro zgjeda – čini mi se da bi me komotno mogla minjat na sljedećoj ekspediciji!
Maškare su od vavik bile poseban del našega kraja. Na Grobnišćini se niš ne dela napola – ni smih, ni šala, ni fešta. I baš je to lipota maškar: malo satire, puno mašte i nimalo zle namjere. Kad se judi moru našalit i na tvoj račun, a ti se tomu moreš od srca nasmijat – onda znaš da j’ sve kako triba bit.
Jer va naših krajih čovik vridi po temu kuliko se zna smet – a predsednica po temu kuliko j’ dobra maškara od nje napravljena.
Živile maškare, živela Grobnišćina – i neka nas smih drži skupa, ma kadi god bili!”, napisala je Kolinda Grabar Kitarović.
