Foto Luigi Opatij
povezane vijesti
VOLOSKO – Generacija školaraca 1953. – 1961. Osnovne škole Volosko-Opatija proslavila je 70 godina druženja i prijateljstva u školskim klupama. Da je đačko doba vrijeme koje se zauvijek pamti, potvrdili su u kratkom pismu.
– Va setembre leta 1953. zazvonilo nan je prvi put školsko zvono. Prva meštrica nan je bila Neda Šimunić, ka nas je vodila kroz četiri razreda osnovne školi. Na školsken odmore su nas još čuvale meštrice z susjedneh razredi: Vera Acović, Marija-Meri Simčić i Pavica Kamenarović. Va prven razrede nas je bilo 48 školani. Škola nan je bila kraj crekvi svetega Roka na Volosken – današnji dečji vrtić.
Potle smo prešli va školu va Opatije. Dobili smo novu razrednicu, Maricu Uroić, ka nas je vodila do osmega razreda. Nakon tega smo se razišli i saki je šal svojen puton. Nismo prekinuli stečena prijateljstva i nastavili smo se družit. Tako smo dogurali i do 70. godišnjice. Rado se spametimo razneh školskeh dogodovštin, prijateli keh nažalost više ni i drageh meštric. Nadamo se da ćemo nastavit z našemi susreti i daje, magari do zadnja dva.
Druženju su se odazvali Milivoj Senčić, Davorko Valter, Josip Debanić, Dora Luksetić, Nadija Antić Barin Turica, Rajko Črnjarić, Vladislav Vivoda, Slobodan Mihočić, Savica Kranjac Pošćić, Milojka Kućel Uljanić, Vesna Ribarić Sanković, Nada Andrejević Vrenc i Slavenka Puž Kirn.
