Da ga j’ načinil neki domaći inovator i da j’ to čudo od trahtora, niš ne zagađuje, a z auspuha da mu diši, a ne smrdi
Aha, kada san zadnji put napisala štoriju od dohtorih, kako jih ni, kako radi toga ča na kraj meseca za silno delo dobiju niš drugo leh mižeriju gredu vanka i kako ćemo, ako tako nastavi si poć kod nadri dohtori, mnogi su mi rekli da san pesimistična i da od muhi delan slona. I ča? Ki j’ imel pravo?
Dohtori su imeli prosvjed, a i najavili generalni štrajk. I to, ča bi se reklo – združeni štrajk aš će štrajkat si dohtori. Ja, ja i oni od obiteljske medicini! Uza se to, aš koda to ni dosti, čitan kako bi Hrvaska trebela zet nekakov zdravstveni model od Danci kade dohtora ni ne vidiš aš te leči »onlajn« ale kako bi se pu nas reklo – na daljinu.
Ja, nekako slično kod ča j’ bilo lečenje va vrime koroni. No va to vrime su tako lečili leh obiteljski dohtori, oni po bolnicah su ipak videli pacijenta, a po novomu, ovomu danskomu modelu, niki nikoga ne gljeda va živo leh se gre preko kompjutera. To bi bilo ovako – boli me, recimo uho i ja lipo seden spred kompjutora i najprvo poišćen ki su va svitu najbolji dohtori od uha, ziberen, pošaljen mu mejl z detaljnimi podacimi o boli i čekan da mi stručnjak odgovori.
Ako pak poznan nekoga od teh ki mi rabe, onput more i na on sakramenski »zum« ale slično. Kad me zleči na daljinu, ja mu na daljinu pošaljen soldi i hvala, i tako do drugoga puta. Sad malo mislin, a kako će mi na daljinu ziprat smolu z uha? Ma, dobro j’ neću sad špičit. Intanto, more bit ja se to skupa nisan baš stendila, ma, verujte – ni ljubav na daljinu ne uspjeva, a kamo ča drugo. Ma, za se rabi bit spreman i nikako spred kompjutera sest prvo leh se operete va tri vodi, obučete čiste mudantice i kanotjericu i upletete se, aš ki j’ videl pu dohtora poć blatan i zdavljen, pa magari to bil i on dohtor zduga.
Kada smo već na blizo i dugo, ne moren, a ne malo potambaškat o Mikelanđelu, njegovomu Davidu i Merikanimi. Dakako, prva mi j’ tu sramot rekla mat aš gljeda se vjesti i na seh programeh. Govori ona mane – si čula kako su oni gnjusni Merikani napali učiteljicu ka j’ decu popeljala va Firencu i pukazala njin onoga prelipoga gologa čovičića… Gljedan va nju i niš ne tendin. Ona nastavlja – ma na vrh zajika mi je, znaš načinil ga je on drugi isto jako poznati Talijan, ma se sad ne moren domislet kako se ni jedan, ni drugi zovu. Ja i dalje bledo gledan i onput mi sine – e, znan, misliš na Mikelanđela i njegovoga Davida. A ona će – pa to ti celo vrime govorin. Intanto, moja mat ka ima 86 let ni se mogla načudet temi, kako j’ rekla – bedastemi Merikanimi. A kad je rekla – koda nikada gologa čovika nisu videli. More bit i nisu ovako šesnoga aš oni su si debeli, tuliko debeli da ni onu sirotu na ku curaju ne vide ni kada curaju, pa njin je lipo muško telo i šok i sablazan. Ja san leh rekla – a, ja puritanci su, a ona j’ odgovorila – zato aš jidu puri i tu smo stale aš da smo nastavile bi se i Mikelanđelo, i Ludoviko, i Bonaroti i Simoni va grobu vrtel i radi bedasteg Merikani, i radi nas dve ke smo čuda kulturne.
Aha kultura! Skoro san pozabila – ste malo videli ov šušur va Gradu Rike. Glavni od grada je odlučil pospojit čuda resori pa j’ naš lipi grad ki j’ pred tri leta bil Evropska prestolnica od kulturi ostal bez samostalnoga resora kulturi – spojil ga je sporton pa sad imamo resor kultura i sport. More bit je to zato aš je Rika lane bila i Evropski grad od sporta pa j’ pristodobno to lipo takat jedno za drugo i vozi – Miško. To j’ se ča san po ovomu pitanju imela za reć.
Ma, kad povedamo o vožnje, ono ča komać čekan je peti četrtoga kada će Let 3 va Kastvu na Lokvine svitu i svemiru predstavit svoj e-trahtor z ken će poć va Liverpul. Da ga j’ načinil neki domaći inovator i da j’ to čudo od trahtora, niš ne zagađuje, a z auspuha da mu diši, a ne smrdi. Bravo čovičić dragi, neka Evropa vidi ča se mi umemo.
I znan da vas zanima aš me mnogi pozivate – škoda ku mi j’ načinil štakorina na autu iznosi ravneh 600 euri i to bez ruk, leh deli. Kolp mu pala, da mu. Smiron mislin da j’ baren moj kolega i prijatel Dražen onu kašku ka mu j’ bila va autu namesto va prirodu klal va gajbu, ne bi sad mane štakorina po motoru od auta pohajal. A, ja priroda vavek nudi rešenje leh ga mi ne umemo nać.
S kamika i mora
Z e-trahtoron va Evropu
Slavica Mrkić Modrić
01. travanj 2023 09:14
Foto Vedran Karuza
Da ga j’ načinil neki domaći inovator i da j’ to čudo od trahtora, niš ne zagađuje, a z auspuha da mu diši, a ne smrdi
Aha, kada san zadnji put napisala štoriju od dohtorih, kako jih ni, kako radi toga ča na kraj meseca za silno delo dobiju niš drugo leh mižeriju gredu vanka i kako ćemo, ako tako nastavi si poć kod nadri dohtori, mnogi su mi rekli da san pesimistična i da od muhi delan slona. I ča? Ki j’ imel pravo?
Dohtori su imeli prosvjed, a i najavili generalni štrajk. I to, ča bi se reklo – združeni štrajk aš će štrajkat si dohtori. Ja, ja i oni od obiteljske medicini! Uza se to, aš koda to ni dosti, čitan kako bi Hrvaska trebela zet nekakov zdravstveni model od Danci kade dohtora ni ne vidiš aš te leči »onlajn« ale kako bi se pu nas reklo – na daljinu.
Ja, nekako slično kod ča j’ bilo lečenje va vrime koroni. No va to vrime su tako lečili leh obiteljski dohtori, oni po bolnicah su ipak videli pacijenta, a po novomu, ovomu danskomu modelu, niki nikoga ne gljeda va živo leh se gre preko kompjutera. To bi bilo ovako – boli me, recimo uho i ja lipo seden spred kompjutora i najprvo poišćen ki su va svitu najbolji dohtori od uha, ziberen, pošaljen mu mejl z detaljnimi podacimi o boli i čekan da mi stručnjak odgovori.
Ako pak poznan nekoga od teh ki mi rabe, onput more i na on sakramenski »zum« ale slično. Kad me zleči na daljinu, ja mu na daljinu pošaljen soldi i hvala, i tako do drugoga puta. Sad malo mislin, a kako će mi na daljinu ziprat smolu z uha? Ma, dobro j’ neću sad špičit. Intanto, more bit ja se to skupa nisan baš stendila, ma, verujte – ni ljubav na daljinu ne uspjeva, a kamo ča drugo. Ma, za se rabi bit spreman i nikako spred kompjutera sest prvo leh se operete va tri vodi, obučete čiste mudantice i kanotjericu i upletete se, aš ki j’ videl pu dohtora poć blatan i zdavljen, pa magari to bil i on dohtor zduga.
Kada smo već na blizo i dugo, ne moren, a ne malo potambaškat o Mikelanđelu, njegovomu Davidu i Merikanimi. Dakako, prva mi j’ tu sramot rekla mat aš gljeda se vjesti i na seh programeh. Govori ona mane – si čula kako su oni gnjusni Merikani napali učiteljicu ka j’ decu popeljala va Firencu i pukazala njin onoga prelipoga gologa čovičića… Gljedan va nju i niš ne tendin. Ona nastavlja – ma na vrh zajika mi je, znaš načinil ga je on drugi isto jako poznati Talijan, ma se sad ne moren domislet kako se ni jedan, ni drugi zovu. Ja i dalje bledo gledan i onput mi sine – e, znan, misliš na Mikelanđela i njegovoga Davida. A ona će – pa to ti celo vrime govorin. Intanto, moja mat ka ima 86 let ni se mogla načudet temi, kako j’ rekla – bedastemi Merikanimi. A kad je rekla – koda nikada gologa čovika nisu videli. More bit i nisu ovako šesnoga aš oni su si debeli, tuliko debeli da ni onu sirotu na ku curaju ne vide ni kada curaju, pa njin je lipo muško telo i šok i sablazan. Ja san leh rekla – a, ja puritanci su, a ona j’ odgovorila – zato aš jidu puri i tu smo stale aš da smo nastavile bi se i Mikelanđelo, i Ludoviko, i Bonaroti i Simoni va grobu vrtel i radi bedasteg Merikani, i radi nas dve ke smo čuda kulturne.
Aha kultura! Skoro san pozabila – ste malo videli ov šušur va Gradu Rike. Glavni od grada je odlučil pospojit čuda resori pa j’ naš lipi grad ki j’ pred tri leta bil Evropska prestolnica od kulturi ostal bez samostalnoga resora kulturi – spojil ga je sporton pa sad imamo resor kultura i sport. More bit je to zato aš je Rika lane bila i Evropski grad od sporta pa j’ pristodobno to lipo takat jedno za drugo i vozi – Miško. To j’ se ča san po ovomu pitanju imela za reć.
Ma, kad povedamo o vožnje, ono ča komać čekan je peti četrtoga kada će Let 3 va Kastvu na Lokvine svitu i svemiru predstavit svoj e-trahtor z ken će poć va Liverpul. Da ga j’ načinil neki domaći inovator i da j’ to čudo od trahtora, niš ne zagađuje, a z auspuha da mu diši, a ne smrdi. Bravo čovičić dragi, neka Evropa vidi ča se mi umemo.
I znan da vas zanima aš me mnogi pozivate – škoda ku mi j’ načinil štakorina na autu iznosi ravneh 600 euri i to bez ruk, leh deli. Kolp mu pala, da mu. Smiron mislin da j’ baren moj kolega i prijatel Dražen onu kašku ka mu j’ bila va autu namesto va prirodu klal va gajbu, ne bi sad mane štakorina po motoru od auta pohajal. A, ja priroda vavek nudi rešenje leh ga mi ne umemo nać.