RIJEKA – Od 10. prosinca u svim knjižarama te na štandu Adamića na Korzu bit će moguće kupiti novu kuharicu u izdanju ove izdavačke kuće, »Primorskipijat«. Riječ je o kuharici tradicijskih jela kvarnerskog kraja čiji je autor opatijski kuhar Kristian Kozmić, šef kuhinje Hotela Villa Schubert – Restaurant Bellevue u Iki. Uz autora kuharice, vrijednu kreativnu ekipu koja je radila na knjizi čine: majstor fotografije Petar Fabijan, izdavač i urednik knjige Dragan Ogurlić, dizajner knjige Željko Maletić i koproducent Ivan Milatić.

Kuharica je napisana na čakavštini pa se i na tom narječju predstavio i njen autor, Kristian Kozmić, rođen Opatijac. Kako on sam ne voli pisati o sebi evo što su neki drugi rekli o njemu.

»Priznati kuhar ki prihaja z prekrasnega Kvarnera poznat je široj javnosti i daje. Celi se život bavi kuhanjen. Kade za svoja jela išće nadahnuće va ljepotama prirode i kade god se obrne.«

Sudjeluje na puno natjecanja gdje je osvojio brojna priznanja i medalje, a kolege i poznanici ga jako hvale jer je jako spretna i snalažljiva osoba i guštira u pripremi svojih jela i delicija.

»Zovu ga Čarobnjakon z kuhinje. Finil je Ugostiteljsku školu v Opatije, stalno se usavršaval kroz radionice i akademije te mnogobrojne seminare kade je uz svoje znanje i upijal nova.«

Kozmić je talent razvijao u puno restorana i hotela, a danas svoje znanje prenosi i na druge.

U nastavku vam dajemo i Kozmićeve odgovore na pitanja: Kako j’ nastal ov libar? Zač još jedna kuharica?

– Jedno leto, a ni bilo to tako davno, šal san na staro leto neč zet va jedan trgovački centar. Nutre j’ bilo čuda judi. Ono ča mi se ni pjažalo je to ča san videl. A videl san da se j’ masovno kupovala sarma, pire kumpir i gotova juha. Za neverovat. Ni moguće da niki doma više ne kuha ta tradicijska jela. Ja razumen da j’ vreme šlo naprvo i da se brzo žive, ma sejedno mislin da se mora nać vremena da se osjeti onaj dih va kuće, dih blagdani, objašnjava Kozmić i nastavlja:

– Va oven libru našle su se pijatance od moje none, od mame, ke su se spravjale va mojoj kuće i va drugeh kućah primorskega kraja va to vreme.

O kemu vremenu Vam povedan? O vremenu kad ni bilo kompjuteri i mobiteli, o vremenu kad su se judi družili po kućah i vremenu kad se j’ z gušton kuhalo, roštiljalo i uživalo va hrane.

More bit da van se neće pjažat se ča j’ ovdeka, ali morate znat da je za sakega neč. Si znamo kakova j’ situacija z šoldi, pa su tako i ove pijatance sakemu na ruku i za sačigov žep.

Pozivan Vas dragi moji judi da dojdete i provate Primorskipijat. Kako to mislin? Ov libar ni klasičan libar za na stalažu. Mi ki smo ga storili, zamisleli smo pokazat Van uživo kako se kuha. Kad se budemo videli slobodno recite ako Van ča ni po guštu, a i ako je morete isto reć, da znan, aš ni lepo ni kulturno mučat ili reć da je bilo se dobro ako ni. Uživajte va hrane. Budite lepi, ne predebeli. Dobar Van tek!!!!!

Iz kuharice smo izdvojili tri recepta (izvorno kako su napisana u knjizi uz duhovite komentare kuhara) koja bi i sami odmah probali. Samo treba nabaviti sastojke. Ako smo vas zaintrigirali 5. prosinca trk na Adventski sajam te kupite svoj primjerak i darujte ga sebi ili dragoj osobi za Božić.

Teleća jetra venecijan

(Prodal bin se)

Obavezno palenta

Ča se rabi /sastojci/:

Teleća jetra 0,40 kg /moraš bit dobar z mesarun/

Kapula 0,40 kg

Kuš / kadulja

Žlica konšerve

Par kapi vina ča imamo doma

Sol papar

Kako se pripravja: Najprvo narežemo kapulu na rezanci i dobro lepo zdinstamo. Jetrica smo narezali na trakice i očistili od one jedne žilice. To smo fino lepo na lahko zdinstali (spirjali). Hitili smo dva listića kuša. Pustili smo jedno 10 minuti da se pomalo vre. Dodali smo žlicu konšerve i par kapi vina, posolili smo i popaprili. Poslužili smo uz palentu…

Napomena: Iznutrice solimo i paprimo na kraju da ne budu žilave, onda ih ni potrebno namakat va mleke.

Šnicel od tune z blitvun

(Pomalo jist aš je dobro)

Ča se rabi /sastojci/:

Tuna – jedno četiri šniceli – oko 120 grami po kusu

Blitva

Kumpir

Maslinovo ulje

Češanj /češnjak/, sol, papar

Kako se pripravja: Počet ćemo z blitvun. Lepo ćemo ju narezat na manji kusi, oprat i stavit kuhat va zasoljenu vodu. Va tu istu vodu ćemo stavit kuhat i kumpir ki smo ostrgali /ogulili i narezali na manje kocke. Skuhat će se va isto vreme kad i blitva. Onda smo to lepo zneli van z jednun šupun žlicun i stavili va jednu suricu kade j’ maslinovo uje i češanj. Fino smo to lepo povezali i začinili. Dokle se to još malo prožima /sljubljuje/ va drugoj surici smo pekli šnicel od tune. Prvo na jak a onda na manji oganj. Šnicel je gotov kad dobije lepi kolor, a ne smemo ga predugo peć da ne bi bil suh.

Napomena: Tunu ne rabi previše peć da ne bi bila suha, a ki voli more storit Tršćanski-češanj i petrsin va maslinoven uju.

Čokoladne napoletanke

(Pojiš ih prvo nego su gotove)

Ča se rabi /sastojci/:

4 dek muke/brašna

5 dek cukara

2 deci mleka

1 vanilija cukar

1 žutnjak ili celo jaje

DRUGI DEL:

25 dek cukara

25 dek margarina

Kakao va prahu po voje

Oblatne

Kako se pripravja: Ov prvi del gore treba se dobro zmešat i dobro skuhat. Kad se ohladi posebe smo zamutili cukar, margarin i kakao i dobro zamešali z onen prven skuhanen delon. Onda smo lepo zeli oblatne ke si mogal jist i bez kremi. Namazali smo ih po celoj dužine z tun čokoladnun kremun dokle nismo potrošili kremu i oblatne.